“რუსთავი 2”-ის 91% წილის მფლობელები ხვალიდან თანამშრომლებთან შეხვედრას იწყებენ. ამის შესახებ მათ მიერ გავრცელებულ განცხადებაშია ნათქვამი. ძმები ყარამანიშვილების თქმით, ძალაში რჩება მათი შეთავაზება “რუსთავი 2”-ის აქციათა 51%-ის წილის მფლობელი ტელეკომპანია საქართველოს აქციების საკონტროლო პაკეტი (51%) თანამშრომლებს გადაეცეთ. დამფუძნებელთა თქმით საუბარი სწორედ ამას შეეხება.
“რუსთავი 2”-ის თანამშრომლების ნაწილის გადაწყვეტილებით, უნდა შეიქმნას შპს – “რუსთავი 2” ჩემია. ახალი შპს-ს დაარსება მფლობელის მიერ გაკეთებული შეთავაზების შემდეგ მიიღეს. შპს-ს დაფუძნების იდეა არხის მფლობელ, ლევან ყარამანიშვილისთვის მიუღებელია.
მსოფლიო პრესის თავისუფლების ინდექსში საქართველო 180 ქვეყანას შორის 64-ე ადგილზეა. ამის შესახებ ანგარიშს „რეპორტიორები საზღვრების გარეშე" აქვეყნებს. 2015 წელთან შედარებით, ეს მაჩვენებელი საქართველომ 5 პუნქტით გააუმჯობესა. IREX-ის “მედიის მდგრადობის ინდექსი 2016“-ის მიხედვით, 2015 წელს 2014 წელთან შედარებით საქართველომი მედიის მდგომარეობა გაუარესდა.
სირიელი ჟურნალისთი ზაჰირ ალ შურქათი მოკლეს კვირას თურქულ ქალაქში გაზიანტეპ. ე.წ. ისლამურმა სახელმწიფო ჯგუფმა აიღო მკვლელობაზე პასუხისმგებლობა, ეს ბოლო 6 თვის განმავლობაში, თურქეთში სირიელი ჟურნალისტის მკვლელობის მეოთხე შემთხვევაა.
საკონსტიტუციო სასამართლომ შეაჩერა იმ სამართლებრივი ნორმის მოქმედება, რომლითაც „რუსთავი 2“-ში დროებითი მმართველები დაინიშნენ. ამის შესახებ ინფორმაცია თავად „რუსთავი 2“-მა გაავრცელა, მოგვიანებით კი საკონსტუტუციო სასამართლომ ამგვარი გადაწყვეტილების მიზეზი განმარტა. სასამართლოს განცხადებაში ნათქვამია, რომ „სადავო ნორმები მკაფიოდ არ განსაზღვრავს დროებითი მმართველის უფლებამოსილებების ფარგლებს“.
საქართველოს ნოტარიუსთა პალატა ნიკა გვარამიასგან საჯაროდ ბოდიშის მოხდას ითხოვს. ამის შესახებ ნოტარიუსთა პალატის მიერ გავრცელებულ საგანგებო განცხადებაშია საუბარი.
„რუსთავი 2“-ის გენერალური დირექტორის პირველი მოადგილე ზაალ უდუმაშვილი ტელეკომპანიის დროებით მმართველობაზე უარს ამბობს. როგორც მან სასამართლოს მიერ დანიშნული არხის დროებითი მმართველების – დავით დვალისა და რეზო საყევარიშვილის შეთავაზების საპასუხოდ გამართულ პრესკონფერენციაზე განაცხადა, ის არ არის ფინანსისტი და ვერ აიღებს შესაბამის ვალდებულებას.
„პოლიციას არ გამოვიძახებთ“, - ასე უპასუხა „რუსთავი 2“-ის ერთ-ერთმა დამფუძვნებელმა დავით დვალმა ჟურნალისტის კითხვას, თუ რა ფორმით აპირებენ ახლად დანიშნული მმართველები ტელეკომპანიაში შესვლას წინააღმდეგობის არსებობის შემთხვევაში.
ტელეკომპანია „რუსთავი 2“-ის გენერალური დირექტორის, ნიკა გვარამიას განცხადებით, ტელეკომპანიის შენობის დატოვებას არ აპირებს. მისი თქმით, ის იცავს „რუსთავი 2“-ში მომუშავე ადამიანების უფლებას.
